ரஷ்ய அதிபர் புதினிடம் கேள்வி எழுப்பிய AI புதின்!

ரஷ்யாவில் ரஷ்ய அதிபர் புதினை போலவே தோற்றமளிக்கும் AI மாடல் ஒன்று அவரிடமே கேள்வி எழுப்பும் காணொளி ஒன்று இணையத்தில் வைரலாகியிருக்கிறது.

உலகெங்கும் தற்போது கம்ப்யூட்டர் மையமாகிவிட்டது. அதிலும் செயற்கை நுண்ணறிவு (AI) தொழில்நுட்பத்தின் வளர்ச்சி தலைதூக்கி நிற்கிறது. எந்த அளவிற்கு நன்மை இருக்கிறதோ அதே அளவிற்குத் தீமையையும் கொண்டது தான் செயற்கை நுண்ணறிவு தொழில்நுட்பம்.

இந்தியாவில் செயற்கை நுண்ணறிவுத் தொழில்நுட்பத்தின் உதவியுடன் டீப் ஃபேக் காணொளிகள் உருவாக்கப்பட்டு வருவது ஆபத்தை விளைக்கக்கூடிய ஒன்றாக மாறிவிட்டது.

இந்நிலையில், ரஷ்யாவில் ரஷ்ய அதிபர் புதினை போலவே தோற்றமளிக்கும் AI மாடல் ஒன்று அவரிடமே கேள்வி எழுப்பும் காணொலி ஒன்று இணையத்தில் வைரலாகியிருக்கிறது.

அந்தக் காணொலியில் AI உதவியுடன் உருவாக்கப்பட்ட தொழில்நுட்ப புதினின் இரட்டையானது, அதிபர் புதினிடம் செயற்கை நுண்ணறிவுத் தொழில்நுட்பங்களின் வளர்ச்சி எவ்வளவு மோசமான விளைவுகளை ஏற்படுத்தக்கூடும் என்ற கேள்விகளை முன்வைக்கிறது.

ரஷ்ய மக்கள் அந்நாட்டு அதிபருடன் பேசுவதற்கான வாய்ப்பு ஆண்டுக்கு ஒருமுறை கிடைக்கும். அதன்படி தொலைபேசி மூலமாக, அதிபர் புதினிடம் கேட்க வேண்டிய கேள்விகளை மக்கள் கேட்டும் நிகழ்வு நேரலையில் ஒளிபரப்பப்பட்டது.

அந்த நிகழ்வில் அதிபர் புதினைப் போலத் தோற்றமளிக்கும் AI ஒன்று திரையில் தோன்றி, புதினிடம் AI-யின் பாதகங்கள் குறித்த கேள்விகளை முன்வைத்துள்ளது.

புதினைப் போல தோற்றமளித்தது மட்டுமல்லாமல், அவருடைய குரல், அவருடைய நடை உடை பாவனைகளையும் அப்படியே வெளிப்படுத்தியிருக்கிறது அந்த AI மாடல்.

இது ஒரு பக்கம் ரசிக்கக்கூடிய வகையிலான விஷயமாக இருந்தாலும், தவறாகப் பயன்படுத்தக் கூடும் என்பதே உண்மை.