இந்தியாவில் நடைபெற்று வரும் புரோ கபடி தொடரில் நேற்று நடைபெற்ற போட்டியில் புனேரி பல்தான் அணி, பெங்களுரு புல்ஸ் அணியை 25 புள்ளிகள் வித்தியாசத்தில் வீழ்த்தியது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இதில் நேற்று நடைபெற்ற 33வது போட்டியில் புனேரி பல்தான் மற்றும் பெங்களுரு புல்ஸ் விளையாடின. இப்போட்டியில் புனேரி பல்தான் அணி, பெங்களுரு புல்ஸ் அணியை 25 புள்ளிகள் வித்தியாசத்தில் வீழ்த்தியது.
இந்தப் போட்டியில் புனேரி அணியின் மோஹித் கயாத் ரைடராக சிறப்பாக செயல்பட்டு 7 புள்ளிகளை பெற்றார். அதே அணியின் முஹம்மத்ரேசா தடுப்பாட்டத்தில் சிறப்பாக விளையாடி 6 புள்ளிகளை பெற்று அசத்தினார். இவர்கள இருவரின் ஆட்டமே அந்த அணியின் பெரிய வெற்றிக்கு காரணமாக அமைந்தது.
இந்தப் போட்டியில் முதல் பாதியிலேயே புனேரி பல்தான் அணி 20 புள்ளிகள் முன்னிலையில் இருந்தது. முதல் பாதிக்குள் பெங்களுரு புல்ஸ் அணி இரண்டு முறை ஆல் – அவுட் ஆகி இருந்தது.
இந்த நிலையில், இரண்டாம் பாதி துவங்கிய உடன் பெங்களுரு அணியை மூன்றாவது முறையாக ஆல் -அவுட் செய்த கதற விட்டது புனேரி அணி. குறிப்பாக முஹம்மத்ரேசாவை தாண்டி அந்த புனேரி அணியிடம் புள்ளிகளை பெற முடியாமல் சிக்கித் தவித்ததனர் பெங்களுரு வீரர்கள்.
ஆட்ட நேர முடிவில் புனேரி பல்தான்ஸ் 43 புள்ளிகளும், பெங்களுரு புல்ஸ் அணி 18 புள்ளிகளும் மட்டுமே பெற்றன. புனேரி அணி 25 புள்ளிகள் வித்தியாசத்தில் அபார வெற்றியை பதிவு செய்தது.
