கோயம்பேட்டில் போக்குவரத்து மாற்றம்!

தேமுதிக கட்சி அலுவலகம் அமைந்துள்ள கோயம்பேடு பகுதியில் போக்குவரத்து மாற்றம் செய்யப்பட்டுள்ளது என சென்னை போக்குவரத்து காவல்துறை தெரிவித்துள்ளது.

சென்னை கோயம்பேட்டில் உள்ள தேமுதிக அலுவலகத்தில் வைக்கப்பட்டுள்ள அக்கட்சியின் நிறுவனத் தலைவர் விஜயகாந்தின் உடலுக்கு அரசியல் கட்சித் தலைவர்கள், திரையுலகினர், தேமுதிக கட்சியினர், பொதுமக்கள் பலரும் கண்ணீர் மல்க அஞ்சலி செலுத்தி வருகின்றனர்.

தேமுதிக நிறுவனத் தலைவர் விஜயகாந்த் சிகிச்சை பலனின்றி இன்று காலை காலமானார். அவருக்கு வயது 71. அவரது மறைவால் தேமுதிக கட்சித் தொண்டர்கள், திரை ரசிகர்கள் சோகத்தில் ஆழ்ந்துள்ளனர்.

பொதுமக்கள் அஞ்சலிக்காக சாலிகிராமத்தில் இருந்து சென்னை கோயம்பேட்டில் உள்ள தேமுதிக தலைமை அலுவலகத்துக்கு ஊர்வலமாக எடுத்துச் செல்லப்பட்டது.

அங்கு தமிழ் திரையுலக பிரபலங்கள் மற்றும் பொது மக்கள் அவரது உடலுக்கு அஞ்சலி செலுத்தி வருகின்றனர். விஜயகாந்தின் இறுதிச்சடங்குகள் முழு அரசு மரியாதையுடன் நடைபெறும் என்று தமிழக அரசு தெரிவித்துள்ளது.

Traffic diversions have been implemented to cope with the large number of vehicles near Koyambedu Flyover.

Padi bridge top
Thiruveedhi Amman service road
Shanthi Colony 13th main road.

Motorists are requested to co-operate.#Chennai Traffic

— Greater Chennai Traffic Police (@ChennaiTraffic) December 28, 2023

இந்நிலையில், தேமுதிக கட்சி அலுவலகம் அமைந்துள்ள கோயம்பேடு பகுதியில் போக்குவரத்து மாற்றம் செய்யப்பட்டுள்ளது. அதன்படி, கோயம்பேடு 100 அடி சாலையை தவிர்த்து விட்டு, பாடி பாலம், திருவீதி அம்மன் சர்வீஸ் சாலை, சாந்தி காலனி 13 வது பிரதான சாலையில் செல்லுமாறு தெரிவிக்கப்பட்டுள்ளது.

Traffic Update near Koyambedu:

There is a large inflow of vehicles in and around Koyambedu Flyover. #ChennaiTraffic@SandeepRRathore @R_Sudhakar_Ips @chennaipolice_

Please plan your routes accordingly. pic.twitter.com/cWsSvryMyF

— Greater Chennai Traffic Police (@ChennaiTraffic) December 28, 2023