ஆசியக் கோப்பை கால்பந்து தொடரில் நேற்றையப் போட்டியில் இந்தியா, உஸ்பெகிஸ்தான் அணியிடம் தோல்வியை தழுவியது.
கத்தாரில் ஆசியக் கோப்பை கால்பந்து தொடர் ஜனவரி 12 ஆம் தேதி தொடங்கியது. இந்த தொடரில் மொத்தமாக 24 அணிகள் பங்கேற்றுள்ளது.
இதில் ‘ஏ’ பிரிவில் நடப்பு சாம்பியனான கத்தார், சீனா, தஜிகிஸ்தான் மற்றும் லெபனான் அணிகள் பங்குபெற்றுள்ளது. ‘பி’ பிரிவில் இந்தியா, ஆஸ்திரேலியா, சிரியா, உஸ்பெகிஸ்தான் ஆகிய அணிகளும் பங்குபெற்றுள்ளது.
இந்நிலையில் இந்த தனது முதல் போட்டியை ஜனவரி 12ஆம் தேதி விளையாடியது. இதில் இந்தியா அணி 0-2 என்ற கணக்கில் ஆஸ்திரேலியா அணியின் தோல்வியைத் தழுவியது.
இந்நிலையில் நேற்று இந்திய அணி தனது இரண்டாவது லீக் போட்டியில் விளையாடியது. இப்போட்டியில் இந்தியா – உஸ்பெகிஸ்தான் அணிகள் விளையாடியது.
இந்த போட்டியில் தொடக்கம் முதலே உஸ்பெகிஸ்தான் அணி சிறப்பாக விளையாடியது. இதனால் ஆட்ட நேர முடிவில் 3-0 என்ற கோல் கணக்கில் இந்திய அணியை வீழ்த்தி உஸ்பெகிஸ்தான் வெற்றி பெற்றது.
இந்தியா தனது அடுத்தப் போட்டியை வரும் 23ஆம் தேதி சிரியா உடன் விளையாடவுள்ளது.
