19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடர் 2வது அரையிறுதி போட்டியில் ஆஸ்திரேலியா அணிக்கு 180 ரன்கள் இலக்கு.
19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடர் நடைபெற்று வருகிறது. இந்த தொடரின் இறுதிப்போட்டி வரும் 11ஆம் தேதி நடைபெறவுள்ளது.
இந்தத் தொடரின் சூப்பர் 6 சுற்றுகள் முடிவடைந்த நிலையில் தற்போது அரையிறுதிப் போட்டிகள் நடைபெற்று வருகிறது.
இதன் இரண்டாவது அரையிறுதி போட்டி சஹாரா பார்க் மைதானத்தில் நடைபெறுகிறது. இதில் ஆஸ்திரேலியா – பாகிஸ்தான் அணிகள் விளையாடுகின்றனர்.
இந்தப் போட்டியில் டாஸ் வென்ற ஆஸ்திரேலியா அணி பந்துவீச்சை தேர்வு செய்துள்ளது. அதன்படி முதலில் பேட்டிங் செய்த பாகிஸ்தான் அணி 48வது ஓவர் முடிய அனைத்து விக்கெட்களையும் இழந்து 179 ரன்களை எடுத்துள்ளது.
இதில் அதிகபட்சமாக அசான் அவாய்ஸ் மற்றும் அராபத் மின்ஹாஸ் ஆகியோர் தலா 52 ரன்களை எடுத்து ஆட்டமிழந்தனர்.
அடுத்து அதிகபட்சமாக ஷாமில் ஹுசைன் 17 ரன்களை எடுத்தார். பாக்கிஸ்தான் அணியில் மற்ற வீரர்கள் ஓரிலக்க எண்ணில் ஆட்டமிழந்தனர்.
இதனால் பாகிஸ்தான் அணி 48வது ஓவர் முடிய அனைத்து விக்கெட்களையும் இழந்து 179 ரன்களை எடுத்துள்ளது.
ஆஸ்திரேலியா அணியில் அதிகபட்சமாக டாம் 6 விக்கெட்களை வீழ்த்தினார். மஹ்லி, விட்லெர், மேக்மில்லன், எட்வர்ட் ஆகியோர் தலா 1 விக்கெட்டை வீழ்த்தினர்.
இதனால் தற்போது ஆஸ்திரேலியாவுக்கு 180 இலக்காக உள்ளது.
