ஆதித்யா சுகாஸ் ஜம்பாலே இயக்கத்தில் யாமி கெளதம் நடிப்பில் வெளியாகிய ஆர்டிகிள் 370 படத்தின் முதல் நாள் வசூல் குறித்த தகவல் வெளியாகியுள்ளது.
ஆதித்யா சுகாஸ் ஜம்பாலே இயக்கத்தில் யாமி கெளதம், பிரியாமணி உள்ளிட்டவர்கள் நடித்துள்ள படம் தான் ஆர்டிகிள் 370.
இப்படத்தை யாமி கெளதமின் கணவர் ஆதித்யா தார் மற்றும் அவரது சகோதரர் லோகேஷ் தார் இணைந்து தயாரித்துள்ளனர்.
ஹிந்தி மொழியில் தயாராகியுள்ள இந்த திரைப்படம் நேற்று திரையரங்குகளில் வெளியாகியது. நாடுமுழுவதும் 1500 திரையரங்குகளில் 2200 திரைகளில் திரையிடப்படவுள்ளது இப்படம்.
இந்த படம் ஜம்மு காஷ்மீருக்கு சிறப்பு அந்தஸ்து வழங்குவதற்காக ஏற்படுத்தப்பட்ட சட்டப்பிரிவு 370 ரத்து செய்யப்பட்டத்தை மையமாக வைத்து எடுக்கப்பட்டுள்ளது.
இப்படத்தின் ட்ரைலர் வெளியானது முதலே இப்படத்தை குறித்த எதிர்பார்ப்பு அதிகமாகவே இருந்தது. இந்நிலையில் தற்போது இந்த படத்தின் முதல் நாள் வசூல் குறித்த அறிவிப்பு வந்துள்ளது.
‘ஆர்டிகிள் 370’ திரைப்படம் முதல் நாளில் நல்ல வரவேற்பைப் பெற்ற நிலையில், இந்தியா முழுவதும் முதல் நாள் வசூலாக ரூ. 5.75 கோடியை ஈட்டியுள்ளது. அரசியல் ரீதியான விமர்சனங்களை பெற்று வரும் இந்த படம் தொடர்ந்து வசூலைக் குவிக்கும் என்று எதிர்பார்க்கப்படுகிறது.
