பாஜக தேசிய தலைவர் ஜே.பி.நட்டா மாநிலங்களவை உறுப்பினர் பதவியை ராஜினாமா செய்துள்ளார்.
அண்மையில் நடைபெற்ற மாநிலங்களவை தேர்தலில் பாஜக தேசிய தலைவர் ஜே.பி.நட்டா குஜராத் மாநிலத்தில் இருந்து மாநிலங்களவை உறுப்பினராக தேர்ந்தெடுக்கப்பட்டார். அவர் ஏற்கனவே இமாச்சல பிரதேசத்தில் இருந்து ராஜ்யசபா உறுப்பினராக தேர்வு செய்யப்பட்டிருந்தார். இதனையடுத்து அந்த பதவியை அவர் தற்போது ராஜினாமா செய்துள்ளார்.
2014 முதல் 2019 வரை மத்திய சுகாதார அமைச்சராகப் பணியாற்றிய நட்டா, 2020 ஜனவரி 20ஆம் தேதி பாஜகவின் தேசியத் தலைவரானார். 1993 முதல் 2003 வரை பிலாஸ்பூரில் இருந்து எம்எல்ஏவாகவும், பின்னர் 2007 முதல் 2012 வரையிலும் அவர் பணியாற்றியுள்ளார்.
