கடந்த 1-ஆம் தேதி இந்தியா உட்பட பல நாடுகளுக்கு இ-விசா திட்டத்தை ஜப்பான் அறிமுகம் செய்தது. இந்த ஒற்றை நுழைவு விசா, 90 நாட்கள் வரை செல்லுபடியாகும்.
இ-விசா திட்டம், சாதாரண பாஸ்போர்ட்டை வைத்து, ஜப்பானுக்கு செல்லும் பயணிகளுக்காக வடிவமைக்கப்பட்டுள்ளது.
ஆஸ்திரேலியா, பிரேசில், கம்போடியா, கனடா, சவுதி அரேபியா, சிங்கப்பூர், தென்னாப்பிரிக்கா, தைவான், ஐக்கிய அரபு எமிரேட்ஸ், இங்கிலாந்து மற்றும் அமெரிக்கா ஆகிய நாடுகளைச் சேர்ந்த பயணிகள் இந்த திட்டத்திற்கு தகுதியுடையவர்கள்.
மேலும், VGS குளோபல் நிறுவனத்தின் விசா அப்ளிகேஷன் மையங்களை அணுகி, இந்தியர்கள் E-Visa பெற முடியும். இந்த E-Visa மூலமாக இந்தியர்கள், ஒரு முறை குறிப்பிட்ட நாட்களுக்கு ஜப்பானில் சுற்றுலா செல்வதற்கான வழிவகை செய்யப்பட்டுள்ளது.
இந்தியர்கள் மட்டுமல்லாது இந்தியாவில் வசிக்கும் வெளிநாட்டவர்களும் இந்த E-Visaவை பயன்படுத்திக் கொள்ள முடிகிறது. இதனை பெற, https://visa.vfsglobal.com/ind/en/jpn/ என்ற இணையதளத்தில் விண்ணப்பிக்க வேண்டும்.