மதுபான கொள்கை வழக்கில் கைதாகியுள்ள டெல்லி ஆம் ஆத்மி முன்னாள் துணை முதல்வர் மணீஷ் சிசோடியாவின் நீதிமன்ற காவலை நீட்டித்து, டெல்லி நீதிமன்றம் உத்தரவிட்டது.
2021-22ம் ஆண்டில் டில்லி ஆளும் ஆம் ஆத்மி அரசு அமல்படுத்திய புதிய மதுபான கொள்கையில் முறைகேடு நடந்ததாக புகார் எழுந்தது. இதனை அமலாக்கத்துறை, சி.பி.ஐ., வழக்குப்பதிவு செய்து விசாரித்து வருகிறது. 2023 பிப்ரவரியில் மணீஷ் சிசோடியா கைது செய்யப்பட்டு திகார் சிறையில் அடைக்கப்பட்டார். அவரது பல்வேறு ஜாமின் மனுக்கள் தள்ளுபடிசெய்யப்பட்டுள்ளது.
வழக்கு டெல்லி ரோஸ் அவென்யூ நீதிமன்றத்தில் நடைபெற்று வருகிறது. இந்த வழக்கை அமலாக்கத்துறை நீதிமன்ற காவலில் எடுத்து விசாரணை நடத்தி வருகிறது. .
இந்நிலையில் மணீஷ் சிசோடியாவின் நீதிமன்ற காவல் இன்று நிறைவடைந்த நிலையில் மீண்டும் ஆஜர்படுத்தப்பட்டார். அவரது நீதிமன்ற காவலை மேலும் 12 நாட்கள் நீட்டித்து விசாரணையை மே 08-ம் தேதி நீதிபதி ஒத்தி வைத்தார் .
