பாஜக மீண்டும் ஆட்சிக்கு வந்தால், ஊழல் செய்தவர்கள் யாராக இருந்தாலும் சரி அவர்கள் சிறை செல்வது உறுதி என பிரதமர் மோடி தெரிவித்தார்.
மேற்கு வங்கத்தில் உள்ள போல்பூரில் நடைபெற்ற பிரமாண்ட பொதுக் கூட்டத்தில் பிரதமர் மோடி கலந்து கொண்டு பேசினார்.
அப்போது பேசிய அவர்,
“காங்கிரஸ் ஆட்சியில் 2 ஜி ஊழல், நீர்மூழ்கிக் கப்பல் மற்றும் ஹெலிகாப்டர் ஊழல் என பல்வேறு ஊழல்கள் நடைபெற்றது எனவும் அவர்கள் நினைத்துப் பார்க்க முடியாத வகையில் ஊழல் செய்துள்ளார்கள்” என்றும் குற்றம் சாட்டினார்.
தொடர்ந்து பேசியவர், “வேறு சிலரோ, ரேஷன் ஊழல், ஆட்சேர்ப்பதில் ஊழல் என பல கோடி ரூபாய் ஊழல் செய்துள்ளார்கள், ஆள் கடத்திலும் ஈடுபட்டுள்ளார்கள்” என்றார்.
“கடந்த 10 ஆண்டு கால பாஜக ஆட்சியில் ஊழலுக்கு இடமில்லை, ஊழல் செய்தவர்கள், தவறு செய்தவர்கள் என யாராக இருந்தாலும் அவர்கள் சிறை செல்வது உறுதி” என்றும் பிரதமர் மோடி தெரிவித்தார்.
