தமிழகத்தில் ப்ளஸ் 2 பொதுத்தேர்வு முடிவுகள் இன்று வெளியானது. இதில் 94.56 சதவீதம் பேர் தேர்ச்சியடைந்துள்ளனர். மாணவிகள் 96.4 சதவீதமும், மாணவர்கள் 92.37 சதவீதமும் தேர்ச்சி பெற்றுள்ளனர்.
ப்ளஸ் 2 பொதுத்தேர்வில் முக்கியப் பாடங்களில் மாணவர்கள் பெற்ற தேர்ச்சி விகிதங்களைத் தற்போது காணலாம்…
இயற்பியலில் 98 புள்ளி நான்கு எட்டு சதவீதம் மாணவர்களும், வேதியியலில் 99 புள்ளி ஒன்று நான்கு சதவீதம் மாணவர்களும் தேர்ச்சி பெற்றுள்ளனர். கணிதத்தில் 98 புள்ளி 57 சதவீத மாணவர்களும், உயிரியலில் 99 புள்ளி மூன்று ஐந்து சதவீத மாணவர்களும் தேர்ச்சி பெற்றுள்ளனர்.
தாவரவியலில் 98 புள்ளி எட்டு ஆறு சதவீதம் மாணவர்களும், விலங்கியலில் 99 புள்ளி பூஜ்யம் நான்கு சதவீதம் மாணவர்களும் தேர்ச்சி பெற்றுள்ளனர்.
அதிகபட்சமாக, கணினி அறிவியலில் 99 புள்ளி 8 சதவீத மாணவர்கள் தேர்ச்சி பெற்றுள்ளனர். வணிகவியலில் 97 புள்ளி 7 சதவீதம் மாணவர்களும், கணக்குப் பதிவியலில் 96 புள்ளி ஆறு ஒன்று சதவீதம் மாணவர்களும் தேர்ச்சியடைந்துள்ளனர்.
