திருப்பூர் மாவட்டம், உடுமலையில் சிறுமியை பாலியல் வன்கொடுமை செய்ததாக, சிறுவர்கள் உட்பட 9 பேர் கைது செய்யப்பட்ட சம்பவம் அதிர்ச்சியை ஏற்படுத்தியுள்ளது.
உடுமலையைச் சேர்ந்த 17 வயது சிறுமி, தனது தாத்தா – பாட்டி வீட்டில் வசித்து வந்துள்ளார். கடந்த சில நாட்களாக சிறுமியின் உடல்நிலையில் மாற்றம் ஏற்படவே பரிசோதனைக்காக மருத்துவமனையில் அனுமதிக்கப்பட்டுள்ளார்.
அப்போது சிறுமி 4 மாதம் கர்ப்பமாக இருப்பது தெரியவந்தது. அவரிடத்தில் நடத்தப்பட்ட விசாரணையில் 9 பேர் பாலியல் துன்புறுத்தலில் ஈடுபட்டது தெரியவந்தது.
அதன்பேரில் சிறுவர்கள் உட்பட 9 பேரை கைது செய்த போலீசார், அவர்களை நீதிமன்றத்தில் ஆஜர்படுத்தி சிறையில் அடைத்தனர். இந்நிலையில் இவ்வழக்கில் உரிய விசாரணை நடத்துமாறு, கைதானவர்களின் உறவினர்கள் உடுமலை டி.எஸ்.பி அலுவலகம் முன்பு திரண்டதால் பரபரப்பு ஏற்பட்டது.
