சென்னை உயர்நீதிமன்ற தலைமை நீதிபதியாக இருந்த கங்கா பூர்வாலா ஓய்வு பெறுவதையொட்டி, பிரிவு உபச்சார விழா நடைபெற்றது.
கடந்த 2023-ம் ஆண்டு ஏப்ரல் 19-ம் தேதி மும்பை உயர்நீதிமன்ற பொறுப்பு தலைமை நீதிபதியாக இருந்த எஸ்.வி.கங்காபூர்வாலாவை, சென்னை உயர்நீதிமன்ற தலைமை நீதிபதியாக நியமிக்க உச்சநீதிமன்ற கொலிஜியம் பரிந்துரை செய்திருந்தது.
இந்தப் பரிந்துரையை ஏற்று குடியரசுத் தலைவர் உத்தரவிட்டதன் பேரில், கடந்த ஆண்டு மே 28-ம் தேதி சென்னை உயர்நீதிமன்ற தலைமை நீதிபதியாக எஸ்.வி.கங்காபூர்வாலா பதவியேற்றுக் கொண்டு செயல்பட்டு வந்தார்.
இந்நிலையில் ஓராண்டு காலமாக பணியாற்றி வந்த கங்காபூர்வாலா ஓய்வு பெறுவதையொட்டி, அவருக்கு பிரிவு உபச்சார விழா நடைபெற்றது.
சென்னை உயர்நீதிமன்ற பொறுப்பு தலைமை நீதிபதியாக ஆர்.மகாதேவன் பணியினை தொடரவுள்ளார் என்பது குறிப்பிடத்தக்கது.
