முத்துமாரியம்மன் கோயில் தேரோட்டத் திருவிழா!

புதுக்கோட்டை மாவட்டம் கொத்தமங்கலம் முத்து மாரியம்மன் கோயில்களில் தேரோட்டத் திருவிழா நடைபெற்றது.

இதில் பெண்கள் மற்றும் குழந்தைகள் மட்டும் திருத்தேரினை வடம் பிடித்து இழுத்து வழிபட்டனர்.

இந்த கோயிலில் வைகாசி திருவிழா கடந்த 12-ம் தேதி பூச்சொரிதலுடன் தொடங்கியது. இதைத்தொடர்ந்து, மண்டகப்படி தாரர்கள் சார்பில் அம்மன் வீதியுலா நடைபெற்று வந்தது.

இந்நிலையில், முக்கியத் திருவிழாவான தேரோட்டத்தையொட்டி சப்பரத்தில் பேச்சி அம்மனும், சிறிய தேரில் வாழவந்த பிள்ளையாரும், பெரிய தேரில் முத்துமாரியம்மனும் எழுந்தருளல் செய்யப்பட்டது.

இதில், பேச்சியம்மன் திருத்தேரினை பெண்கள் மற்றும் குழந்தைகள் மட்டும் வடம் பிடித்து இழுத்து வழிபட்டனர்.