நாட்டின் பிரதமராக ஜூன் 9ஆம் தேதி நரேந்திர மோடி பதவியேற்பார் என செய்திகள் வெளியாகியுள்ளன.
நாடாளுமன்ற தேர்தல் ஏப்ரல் 19-ந்தேதி தொடங்கி ஜூன் 1-ந்தேதி வரை 7 கட்டங்களாக நடைபெற்றது. ஆட்சியமைக்க 272 தொகுதிகள் தேவை என்ற நிலையில், தேசிய ஜனநாயக கூட்டணி 292 தொகுதிகளை கைப்பற்றி ஆட்சி அமைக்கவுள்ளது.
இதனையடுத்து தேசிய ஜனநாயக கூட்டணி தலைவராக மோடி தேர்வு செய்யப்பட்டுள்ளார். இந்நிலையில் ஜூன் 8ஆம் தேதி பதவியேற்பு விழா நடைபெறும் என செய்திகள் வெளியானது.
ஆனால் ஜூன் 9ஆம் தேதி மாலை 6 மணிக்கு பதவியேற்பு விழா நடைபெறும் என கூறப்படுகிறது. எனினும் இதுதொடர்பாக அதிகாரப்பூர்வ அறிவிப்பு வெளியாகவில்லை.
