இலங்கை கடற்படையால் கைது செய்யப்பட்ட 22 மீனவர்களை விடுவிக்க வலியுறுத்தி இராமேஸ்வரம் மீனவர்கள் ஒருநாள் அடையாள வேலை நிறுத்தப் போராட்டத்தில் ஈடுபட்டுள்ளனர்.
நெடுந்தீவு அருகே மீன்பிடித்துக் கொண்டிருந்த தமிழக மீனவர்கள் 22 பேரை எல்லைத்தாண்டி மீன்பிடித்ததாக கூறி இலங்கை கடற்படையினர் கைது செய்தனர்.
மேலும் அவர்களிடம் இருந்த 3 படகுகளையும் பறிமுதல் செய்தனர். தொடரும் இலங்கை கடற்படையினரின் கைது நடவடிக்கையை கண்டித்தும், உடனடி நடவடிக்கை மேற்கொள்ள வலியுறுத்தியும் காலவரையற்ற வேலைநிறுத்த போராட்டம் நடைபெறும் என மீனவர் சங்கங்கள் கூட்டத்தில் முடிவு எடுக்கப்பட்டது.
அதனைத்தொடர்ந்து, இன்று ராமேஸ்வரம் மீனவர்கள் வேலை நிறுத்த போராட்டத்தில் ஈடுபட்டு வருகின்றனர். இதனால் 5 ஆயிரத்துக்கும் மேற்பட்ட மீனவர்கள் வேலை இழந்துள்ளனர் என்பது குறிப்பிடத்தக்கது.
