கோவை பள்ளி மாணவன் எழுதியுள்ள கடிதம் மூலம், தற்கால தலைமுறையினர் புதிய தொழில்நுட்பங்கள் மீது கொண்டுள்ள ஆர்வம் பாராட்டுக்குரியது என மத்திய இணை அமைச்சர் எல்.முருகன் கூறியுள்ளார்.
மத்திய செய்தி மற்றும் ஒலிபரப்புத் துறை இணை அமைச்சராக இரண்டாவது முறையாக பொறுப்பேற்றுள்ள எல்.முருகனுக்கு வாழ்த்து தெரிவித்து கோவை பள்ளி மாணவன் கார்த்திக் ஹரிஹரன் கடிதம் எழுதியுள்ளார்.
இந்த கடிதத்தை தனது எக்ஸ் தளத்தில் பதிவிட்டுள்ள எல்.முருகன், மாணவன் எழுதியுள்ள கடிதம் மகிழ்ச்சி அளிப்பதாகவும், அடுத்த கோவை பயணத்தின் போது, மாணவனை நேரில் சந்திப்பேன் எனவும் குறிப்பிட்டுள்ளார்.
