மகாராஷ்டிரா மாநிலம் புனேயில் மருத்துவர் மற்றும் அவரது மகளுக்கு ஜிகா வைரஸ் பாதிப்பு கண்டறியப்பட்டுள்ளது.
புனே எரண்ட்வானே பகுதியைச் சேர்ந்த மருத்துவரும், அவரது மகளும் காய்ச்சலால் பாதிக்கப்பட்டனர். ரத்த மாதிரி பரிசோதனையில் அவர்களுக்கு ஜிகா வைரஸ் பாதிப்பு இருந்தது கண்டறியப்பட்டது.
இதைத்தொடர்ந்து, அவர்களுடன் தொடர்பில் இருந்த குடும்ப உறுப்பினர்கள் 5 பேரின் சளி மாதிரி ஆய்வக பரிசோதனைக்கு அனுப்பிவைக்கப்பட்டுள்ளது.
புனேயில் நிகழாண்டில் முதன்முறையாக ஜிகா வைரஸ் பாதிப்பு பதிவாகியிருப்பது குறிப்பிடத்தக்கது.
