இந்திய ராணுவ தளபதியாக இருந்த மனோஜ் பாண்டேவின் பதவிக்காலம் நிறைவடைந்ததை அடுத்து, நாட்டின் புதிய ராணுவ தளபதியாக உபேந்திர திவேதி பொறுப்பேற்றுக்கொண்டார்.
இந்திய ராணுவத்தின் 29-வது ராணுவ தலைமை தளபதியாக ஜெனரல் மனோஜ் பாண்டே 2022-ம் ஆண்டு மே மாதம் பதவியேற்றார்.
இவரது பதவிக்காலம் கடந்த மே 31-ம் தேதியுடன் முடிவடைந்த நிலையில், அவருக்கு ஜூன் 30-ம் தேதி வரை பதவி நீட்டிப்பு வழங்கப்பட்டது.
மனோஜ் பாண்டேவின் பதவிக்காலம் இன்றுடன் முடிவடைந்ததை ஒட்டி, தேசிய போர் நினைவிடத்தில் மலர்வளையம் வைத்து அஞ்சலி செலுத்தினார்.
இதனைத் தொடர்ந்து, புதிய ராணுவ தளபதியாக உபேந்திரா திவேதி பொறுப்பேற்றுக்கொண்டார். கடந்த 1984-ம் ஆண்டு ஜம்மு காஷ்மீர் காலாட்படையில் தமது ராணுவ சேவையை தொடங்கிய உபேந்திர, காஷ்மீர், ராஜஸ்தான் உட்பட பல்வேறு இடங்களில் படைகளை வழிநடத்தியுள்ளார்.
