கோவையிலுள்ள ஆழியார் கவியருவியில் 6 மாதத்திற்கு பிறகு சுற்றுலாப்பயணிகளுக்கு அனுமதி அளிக்கப்பட்டுள்ளது.
பொள்ளாச்சி வனச்சரகத்தில் அமைந்துள்ள இந்த அருவி கடந்த ஜனவரி மாதம் முதல் நீரின்றி வறண்டு காணப்பட்டதால் சுற்றுலாப்பயணிகளுக்கு அனுமதி மறுக்கப்பட்டிருந்தது.
இதையடுத்து தென்மேற்கு பருவமழை காரணமாக அருவியில் வெள்ளப்பெருக்கு ஏற்பட்டதால் மறு அறிவிப்பு வரும் வரை சுற்றுலாப்பயணிகளுக்கு தடை விதித்து வனத்துறையினர் உத்தரவிட்டிருந்தனர்.
இந்நிலையில் அருவியின் நீர்வரத்து சீரானதால் சுற்றுலாப்பயணிகளுக்கு தற்போது அனுமதி வழங்கப்பட்டுள்ளது.
