சென்னை சாலிகிராமத்தில் சர்தார் 2 திரைப்படத்தின் படப்பிடிப்பின்போது 20 அடி உயரத்தில் இருந்து விழுந்த சண்டை பயிற்சியாளர் சிகிச்சை பலனின்றி உயிரிழந்தார்.
பி.எஸ். மித்ரன் இயக்கத்தில் கார்த்தி நடித்து கடந்த 2022ஆம் ஆண்டு வெளிவந்த சர்தார் திரைப்படம் மக்கள் மத்தியில் மாபெரும் வரவேற்பை பெற்றது.
இதை தொடர்ந்து சர்தார் படத்தின் இரண்டாம் பாகம் வெளியாகும் என அறிவிக்கப்பட்டு படப்பிடிப்பு கடந்த வாரம் பூஜையுடன் துவங்கியது.
இந்நிலையில் சென்னை சாலிகிராமத்தில் நடைபெற்ற படப்பிடிப்பின்போது சண்டை பயிற்சியாளர் ஏழுமலை 20 அடி உயரத்தில் இருந்து தவறி கீழே விழுந்தார்.
இதில் படுகாயம் அடைந்த அவரை படக்குழுவினர் மீட்டு மருத்துவமனையில் அனுமதித்தனர். இதனையடுத்து சிகிச்சை பலனின்றி ஏழுமலை உயிரிழந்தது பெரும் பரபரப்பை ஏற்படுத்தியுள்ளது.
