சென்னையில் பகல் நேரத்தில் புறநகர் மின்சார ரயில்கள் வழக்கம் போல் இயங்கும் என தெற்கு ரயில்வே அறிவித்துள்ளது.
சென்னை கடற்கரை, தாம்பரம், செங்கல்பட்டு இடையே இன்று முதல் ஆகஸ்ட் 14ம் தேதி வரை இரு மார்க்கங்களிலும் 55 மின்சார ரயில்கள் ரத்து செய்யப்படும் என்ற அறிவிப்பை தெற்கு ரயில்வே திரும்பப் பெற்றது.
புறநகர் ரயில் சேவை இன்று முதல் ஆகஸ்ட் 2ம் தேதி வரை பகல் நேரத்தில் வழக்கமான கால அட்டவணையின்படி இயக்கப்படும் என தெரிவிக்கப்பட்டுள்ளது. மேலும், இரவு பத்து முப்பது மணி முதல் நள்ளிரவு இரண்டு முப்பது மணி வரை மட்டும் புறநகர் ரயில் சேவைகள் இயங்காது என்பது குறிப்பிடத்தக்கது.
