பல்வேறு குற்றச் செயலில் ஈடுபட்டு தலைமறைவாக இருந்த 11 பேர் கைது!

ஈரோட்டில் பல்வேறு குற்ற சம்பவங்களில் ஈடுபட்டு தலைமறைவாக இருந்த 11 பேர் கைது செய்யப்பட்டுள்ளதாக மேற்கு மண்டல காவல்துறை தலைவர் பவானீஸ்வரி தெரிவித்துள்ளார்.

இது தொடர்பாக செய்தியாளர்களிடம் பேசிய அவர், கடந்த 3 ஆண்டுகளாக தலைமறைவாக இருந்த 11 பேர் கைது செய்யப்பட்டுள்ளதாகவும், தலைமறைவாக உள்ள மேலும் ஒருவரை தேடி வருவதாகவும் அவர் கூறினார்.

குற்றச்சம்பவங்களை தடுக்க பல்வேறு நடவடிக்கைகள் எடுக்கப்பட்டு வருவதாகவும் பவானீஸ்வரி குறிப்பிட்டார்.