சர்வதேச மத்தியஸ்த நீதிமன்றத்தில் வினேஷ் போகத் மேல்முறையீடு!

பாரீஸ் ஒலிம்பிக் மல்யுத்த இறுதிப் போட்டியில் தகுதிநீக்கம் செய்யப்பட்டதை எதிர்த்து சர்வதேச மத்தியஸ்த நீதிமன்றத்தில் வினேஷ் போகத் மேல்முறையீடு செய்துள்ளார்.

மல்யுத்தத்துக்கான 50 கிலோ எடை பிரிவில் தங்கப் பதக்கத்துக்கான இறுதி போட்டியில் அமெரிக்க வீராங்கனையுடன் வினேஷ் போகத் மோதவிருந்த நிலையில், 100 கிராம் உடல் எடை கூடுதலாக இருந்ததால் தகுதிநீக்கம் செய்யப்பட்டார்.

இதனால் தங்கம் வெல்லும் வாய்ப்பை அவர் நழுவ விட்டார். இந்நிலையில், தனக்கு வெள்ளிப் பதக்கமாவது வழங்கக் கோரி, சர்வதேச மத்தியஸ்த நீதிமன்றத்தில் வினேஷ் போகத் மேல்முறையீடு செய்துள்ளார். இதன் மீது இன்று விசாரணை நடத்தப்பட்டு முடிவு வெளியிடப்படும் என்று தகவல் வெளியாகியுள்ளது.