நாமக்கல் மாவட்டம் ராசிபுரத்தில் மது அருந்திக்கொண்டே தனியார் பேருந்தை இயக்கிய ஓட்டுநரை, துணை கண்காணிப்பாளர் விரட்டிப்பிடித்து கைது செய்தார்.
ராசிபுரம் புதிய பேருந்து நிலையத்தில் தனியார் பேருந்து ஓட்டுநர் மதுபோதையில் வாகனத்தை வேகமாக எடுத்துச் சென்றதில் பெண் பயணி கீழே விழுந்ததாக புகார் எழுந்தது.
இதனையடுத்து ரோந்து பணியில் ஈடுபட்டுக் கொண்டிருந்த துணை கண்காணிப்பாளர் விஜயகுமார், பேருந்தை தனது இருசக்கர வாகனத்தில் விரட்டிச்சென்று மதுபோதையில் இருந்த ஓட்டுநர் சிவகுமாரை கைது செய்தார்.
