கர்நாடக மாநிலம் பெங்களூருவில் கட்டுப்பாட்டை இழந்த பேருந்து அடுத்தடுத்து வாகனங்கள் மீது மோதியதில் இருவர் காயமடைந்தனர்.
ஹெப்பல் மேம்பாலம் அருகே சென்று கொண்டிருந்த பேருந்து திடீரென ஓட்டுநரின் கட்டுப்பாட்டை இழந்து முன்னால் சென்றுகொண்டிருந்த இருசக்கர வாகனம், கார் மீது அடுத்தடுத்து மோதியது.
இந்த விபத்தில் இருசக்கர வாகன ஓட்டிகள் இருவர் காயமடைந்து சிகிச்சைபெற்று வருகின்றனர். விபத்து தொடர்பான காட்சிகள் பேருந்தில் இருந்த கேமராவில் பதிவான நிலையில் தற்போது வைரலாகி வருகிறது.
