பேச்சுவார்த்தை நடத்தலாம் : ஆனால் போர்நிறுத்தத்திற்கு வாய்ப்பு இல்லை – ட்ரம்ப்

ஈரானுடன் பேச்சுவார்த்தை வேண்டுமானால் நடத்தலாம், ஆனால் நிச்சயமாக போர்நிறுத்தம் செய்ய முடியாது என ட்ரம்ப் தெரிவித்துள்ளார்.

செய்தி நிறுவனம் ஒன்றிற்கு பேட்டியளித்த அவர், ஈரானை மிக கடுமையாக தாக்கி வருவதாகவும், வேறு யாராலும் இதைவிட கடுமையாக தாக்க முடியுமா என தெரியவில்லை எனவும் கூறினார்.

ஹோர்மூஸ் ஜலசந்தியை மீட்டெடுக்க அதிக எண்ணிக்கையிலான படைகளும், உதவிகளும் தேவைப்படுவதாக ட்ரம்ப் குறிப்பிட்டார். நேட்டோ அமைப்பால் அமெரிக்காவுக்கு உதவ முடியும் என கூறிய அவர், ஆனால் இதுவரை அந்த அமைப்புக்கு துணிச்சல் வரவில்லை எனவும் விமர்சித்தார்.

போர்நிறுத்தம் செய்ய வாய்ப்புள்ளதாக என்ற கேள்விக்கு, “பேச்சுவார்த்தையில் ஈடுபடலாம். ஆனால், போர்நிறுத்தம் செய்ய முடியாது” என ட்ரம்ப் பதிலளித்தார்.