வியட்நாம் நாட்டைச் சேர்ந்த வின்ஃபாஸ்ட் நிறுவனத்தின் VF7 மின்சார காரை கோவையைச் சேர்ந்த தினேஷ்குமார் வாங்கியுள்ளார். கார் வாங்கிய ஒரு மாதத்திலேயே, கழுவும்போதும் மழையில் நிறுத்தும்போதும் காரின் பல்வேறு பகுதிகளில் நிறமாற்றம் ஏற்பட்டதாகக் கூறப்படுகிறது. இதுகுறித்து புகார் அளித்த நிலையில், புதிய கார் வழங்குவதாக கடந்த ஆகஸ்ட் 5-ஆம் தேதி நிறுவனம் எழுத்துப்பூர்வமாக உறுதியளித்துள்ளது. 30 முதல் 40 வேலை நாட்களுக்குள் புதிய கார் வழங்கப்படும் எனத் தெரிவித்தும், இதுவரை வழங்கவில்லை என தினேஷ்குமார் குற்றம்சாட்டியுள்ளார்
சுமார் 30 லட்சம் ரூபாய் மதிப்பிலான புதிய மின்சார காரில் பெயிண்டிங் பிரச்னை ஏற்பட்டதாக வாடிக்கையாளர் புகார் தெரிவித்துள்ளார். வேறு ஒரு கார் வழங்கப்படும் என வின்ஃபாஸ்ட் நிறுவனம் உறுதியளித்தும், பல மாதங்களாக அலைக்கழிப்பதாக அவர் வேதனையுடன் கூறுகிறார்.
இதுகுறித்து கார் விற்பனையாளரிடம் கேட்டபோது, நிறுவனத்திடம் பேசி உரிய நடவடிக்கைகள் மேற்கொண்டு வருவதாகத் தெரிவித்தார்.
