குடியரசு கட்சியின் அமெரிக்க அதிபர் வேட்பாளர் டொனால்ட் டிரம்புக்கு கொலை மிரட்டல் விடுத்த 66 வயது முதியவர் கைது செய்யப்பட்டார்.
மெக்ஸிகோ – அமெரிக்க எல்லைப் பகுதியான அரிசோனா மாகாணம் கொச்சிஸ் கவுண்டியை சேர்ந்த அவர், சமூக வலைதளத்தில் டொனால்ட் டிரம்புக்கு கொலை மிரட்டல் விடுத்ததாக கூறப்படுகிறது.
அதன் பேரில் போலீஸார் வழக்குப் பதிவு செய்து அவரை கைது செய்தனர். டொனால்ட் டிரம்ப் தேர்தல் பிரசாரத்துக்காக கொச்சிஸ் கவுண்டி வந்த நிலையில், இந்த சம்பவம் நடைபெற்றது குறிப்பிடத்தக்கது.
