பொதுமக்களிடையே 7 ஆயிரத்து 261 கோடி ரூபாய் மதிப்புள்ள 2 ஆயிரம் ரூபாய் நோட்டுகள் புழக்கத்தில் இருப்பதாக ரிசர்வ் வங்கி தகவல் தெரிவித்துள்ளது.
2 ஆயிரம் ரூபாய் நோட்டுகள் வாபஸ் பெறப்படுவதாக கடந்த ஆண்டு மே மாதம் 19-ம் தேதி ரிசர்வ் வங்கி அறிவித்தது. அந்த நோட்டுகளை வங்கிக்கணக்கில் செலுத்த கால அவகாசமும் வழங்கப்பட்டது.
அச்சமயத்தில், 3 லட்சத்து 56 ஆயிரம் கோடி ரூபாய் மதிப்புள்ள 2 ஆயிரம் ரூபாய் நோட்டுகள் புழக்கத்தில் இருந்ததாக தெரிவிக்கப்பட்டது.
இந்நிலையில் கடந்த 30-ம் தேதி நிலவரப்படி, 97 புள்ளி 96 சதவீத நோட்டுகள் வங்கிக்கு திரும்பி வந்து விட்டதாகவும், இன்னும் 7 ஆயிரத்து 261 கோடி ரூபாய் மதிப்புள்ள 2 ஆயிரம் ரூபாய் நோட்டுகள் மட்டுமே பொதுமக்களிடையே புழக்கத்தில் இருப்பதாகவும் ரிசர்வ் வங்கி தெரிவித்துள்ளது.
மேலும், இந்த நோட்டுகளை குறிப்பிட்ட 19 ரிசர்வ் வங்கி அலுவலகங்களில் செலுத்தலாம் என்றும் தெரிவித்துள்ளது.
