மதுரையில் தனியார் மகளிர் விடுதியில் குளிர்சாதன பெட்டி வெடித்து ஏற்பட்ட தீ விபத்தில் 2 பெண்கள் உயிரிழந்த நிலையில், உரிமையாளர் கைது செய்யப்பட்டுள்ளார்.
மதுரை பெரியார் பேருந்து நிலையம் அருகே உள்ள கட்ராபாளையம் தெருவில் தனியார் பெண்கள் விடுதி செயல்பட்டு வருகிறது. அங்குள்ள குளிர்சாதனப்பெட்டி திடீரென வெடித்து தீ விபத்து ஏற்பட்டது.
தகவலறிந்து சென்ற தீயணைப்பு வீரர்கள் நீண்ட நேரம் போராடி தீயை கட்டுக்குள் கொண்டு வந்தனர். இந்த விபத்தில், இரண்டு பெண்கள் உயிரிழந்த நிலையில், படுகாயமுற்ற மூன்று பேர் மருத்துவமனையில் அனுமதிக்கப்பட்டுள்ளனர்.
இந்நிலையில், விடுதி உரிமையாளர் இன்பா ஜெகதீஷ் என்பவரை போலீசார் கைது செய்தனர். விடுதி அமைந்துள்ள கட்டிம் பழமையாக உள்ளதாகவும், இதுதொடர்பாக இரண்டு ஆண்டுகளுக்கு முன்பே நோட்டீஸ் அளிக்கப்பட்டிருந்ததும், முறையான அனுமதி பெறாமல் விடுதி செயல்பட்டு வந்ததும் விசாரணையில் தெரியவந்தது.
