மேற்கு வங்க மாநிலம் பிர்பூம் பகுதியில் தனியார் நிலக்கரி சுரங்கத்தில் ஏற்பட்ட வெடிவிபத்தில் 7 பேர் உயிரிழந்தனர்.
பிர்பூம் நிலக்கரி சுரங்கத்துக்கு வெடிபொருள் தயாரிக்க பயன்படும் டெட்டனேட்டர்களுடன் லாரி ஒன்று வந்தது.
அப்போது திடீரென டெட்டனேட்டர்கள் வெடித்ததில், நிலக்கரி சுரங்கத்தில் பணியிலிருந்த 7 தொழிலாளர்கள் உயிரிழந்தனர்.
வெடி விபத்தின்போது லாரி ஓட்டுநரின் உடல் 500 மீட்டர் தூரத்துக்கு தூக்கி வீசப்பட்டதாக சம்பவத்தை நேரில் பார்த்தவர்கள் தெரிவித்தனர்.
இதனிடையே, உயிரிழந்தவர்களின் குடும்பத்தினருக்கு தலா 30 லட்ச ரூபாயும், காயமடைந்தவர்களுக்கு 2 லட்ச ரூபாயும் நிவாரணம் வழங்கப்படுவதாக மேற்குவங்க அரசு அறிவித்தது.
