ஹரியானா சட்டசபை தேர்தலில் பாஜக முன்னிலை வகித்து வருகிறது.
90 தொகுதிகளை கொண்ட ஹரியானா சட்டப்பேரரவை தேர்தலுக்கான வாக்குப்பதிவு கடந்த அக்., 5ம் தேதி ஒரே கட்டமாக நடைபெற்றது. 67.90 சதவீத ஓட்டுக்கள் பதிவாகின. மொத்தம் 1,031 வேட்பாளர்கள் போட்டியிட்டனர். இதில், பாஜக காங்கிரஸ்,, -ஐ.என்.எல்.டி., -ஜே.ஜே.பி., ஆம் ஆத்மி கட்சிகள் பலப்பரீட்சை நடத்துகின்றன.
சட்டசபை தேர்தலில், பதிவான வாக்குகளை எண்ணும் பணி இன்று காலை 8 மணிக்கு தொடங்கியது. பிற்பகல் 2.45 மணி நிலவரப்படி பாஜக 49 இடங்களிலும், காங்கிரஸ் 36 இதர கட்சியினர் 5 இடங்களிலும் முன்னணியில் உள்ளது.
முதல்வர் நயாப் சிங் சைனி முன்னிலை வகிக்கிறார். அவர் காங்கிரஸின் மேவா சிங்கை விட 840 வாக்குகள் பெற்று முன்னிலையில் உள்ளார். காங்கிரஸின் பூபிந்தர் சிங் ஹூடா கர்ஹி சாம்ப்லா-கிலோய் தொகுதியில் 16,823 வாக்குகளுடன் முன்னணியில் உள்ளார்.
இதனிடையே, ஹரியானா மக்கள் காங்கிரசுக்கு பாடம் புகட்டியுள்ளதாக பாஜக மூத்த தலைவர் அனில் விஜ் தெரிவித்துள்ளார்.
ஹரியானாவில் பாஜக தொடர்ந்து மூன்றாவது முறையாக ஆட்சி அமைக்க உள்ளது, இது கட்சியின் பணிகளுக்கு வலுவான மக்கள் ஆதரவைக் குறிக்கிறது என பாஜக மூத்த தலைவர் ஷெஹ்சாத் பூனவல்லா தெரிவித்துள்ளார்.கருத்துக் கணிப்புகளைப் பார்த்துக் கொண்டாடியவர்கள் சரியான கருத்துக் கணிப்புகளைப் பார்த்து EVM மீது குற்றம் சொல்ல மாட்டார்கள் என்று நம்புகிறேன் என்றும் அவர் கூறினார்.
