இன்று பிறந்தாள் கொண்டாடும் பாமக தலைவர் அன்புமணி ராமதாசுக்கு தமிழக பாஜக மாநில தலைவர் அண்ணாமலை பிறந்த நாள் வாழ்த்து தெரிவித்துள்ளார்.
அவர் விடுத்துள்ள பதிவில், இன்றைய தினம் பிறந்தநாள் கொண்டாடும், பாட்டாளி மக்கள் கட்சியின் தலைவரும், நாடாளுமன்ற உறுப்பினருமான, அன்புமணி ராமதாஸ்
அவர்களுக்கு, இனிய பிறந்தநாள் நல்வாழ்த்துக்களைத் தெரிவித்துக் கொள்கிறேன்.
மத்திய அமைச்சர் பொறுப்பில் துறை சார்ந்தும், சமூகம் சார்ந்தும் அன்புமணி ராமதாஸ்மேற்கொண்ட அரும்பணிகள் என்றும் அவரது மக்கள் நலன் சார்ந்த அரசியலுக்கு எடுத்துக்காட்டாக விளங்குகிறது. அவரது மேலான பணிகள் என்றும் தொடர, இறைவனை வேண்டிக் கொள்கிறேன் என அண்ணமாலை தெரிவித்துள்ளார்.
இதேபோல் இன்று பிறந்த நாள் கொண்டாடும் தமிழக பாஜக ஆன்மீகம் மற்றும் ஆலய மேம்பாட்டுப் பிரிவின் மாநிலத் தலைவர் நாச்சியப்பனுகு அண்ணாமலை வாழ்த்து தெரிவித்துள்ளார். , நல்ல உடல் நலத்துடன், நீண்ட ஆயுளுடன், தனது சமூகப் பணிகள் தொடர வேண்டும் என்று வேண்டிக் கொள்கிறேன் என அண்ணாமலை கூறியுள்ளார்.
