இலங்கையை வீழ்த்தி இந்திய அணி வெற்றி!

மகளிர் டி-20 உலகக்கோப்பை கிரிக்கெட் போட்டியில் இலங்கை அணியை வீழ்த்தி இந்திய அணி அபார வெற்றி பெற்றது.

9-வது பெண்கள் டி20 உலகக் கோப்பை கிரிக்கெட் போட்டி ஐக்கிய அரபு அமீரகத்தில் நடைபெற்று வருகிறது. இந்த தொடரின் லீக் ஆட்டத்தில் இந்தியா – இலங்கை அணிகள் மோதின.

முதலில் பேட்டிங் செய்த இந்திய அணி 20 ஓவர்களில் 3 விக்கெட்டை இழந்து 172 ரன்கள் குவித்தது. இதையடுத்து களமிறங்கிய இலங்கை அணி 19.5 ஓவர்களில் அனைத்து விக்கெட்டுகளையும் இழந்து 90 ரன்கள் மட்டுமே எடுத்தது.

இதன் மூலம் இந்திய அணி 82 ரன்கள் வித்தியாசத்தில் வெற்றி பெற்றது.