புதுச்சேரியின் காரைக்காலில் ஆயுதபூஜையையொட்டி நடைபெற்ற இருசக்கர வாகன அணிவகுப்பை பலரும் கண்டு ரசித்தனர்.
காரைக்காலில் ஆயுதபூஜையையொட்டி ஒரே இடத்தில் 200-க்கும் மேற்பட்ட RX-100 வாகனங்களுக்கு பூஜையிடப்பட்டன. பின்னர் தங்களது விண்டேஜ் கனவு வாகனமான RX100-ல் முகப்பு விளக்குகளை எரிய விட்டு இளைஞர்கள் ஊர்வலமாக சென்றனர்.
காரைக்கால் பள்ளிவாசல் வீதி, பாரதியார் சாலை, கடற்கரை சாலை உள்ளிட்ட முக்கிய இடங்கள் வழியே இந்த வாகன ஊர்வலம் நடைபெற்றது. 90’ஸ் கிட்ஸ்களின் கனவு வாகனமான யமஹா ஆர்.எக்ஸ்.100 அதன் தனித்துவமான சைலென்சர் சவுண்ட் மற்றும் வேகத்துக்கு பெயர் பெற்றது குறிப்பிடத்தக்கது.
