ஒகேனக்கல் காவிரி ஆற்றில் நீர்வரத்து மேலும் அதிகரிக்க வாய்ப்புள்ளதால், அருவிகளில் குளிக்கவும், பரிசல் இயக்கவும் 3-வது நாளாக தடை தொடர்கிறது.
தருமபுரி மாவட்டம் ஒகேனக்கல் காவிரி ஆற்றின் நீர்ப்பிடிப்பு பகுதிகளில் பெய்த கனமழை காரணமாக நேற்று முன்தினம் ஆற்றில் நீர்வரத்து 20 ஆயிரம் கன அடியாக அதிகரித்தது.
இதனால் ஆற்றில் குளிக்கவும், பரிசல் இயக்கவும் மாவட்ட நிர்வாகம் சார்பில் தடை விதிக்கப்பட்டது. அதனைத்தொடர்ந்து நேற்று 17 ஆயிரம் கனஅடியாக நீர்வரத்து குறைந்த நிலையில், தற்போது ஓகேனக்கலின் நீர்வரத்து 14 ஆயிரம் கனஅடியாக உள்ளது.
இந்த நிலையில், தொடர்ந்து பெய்துவரும் கனமழை காரணமாக நீர்வரத்து மேலும் உயர வாய்ப்புள்ளதால், அருவிகளில் குளிக்கவும், பரிசல் இயக்கவும் 3-வது நாளாக தடை தொடர்கிறது.
