விக்கிரவாண்டியில் நடைபெறும் தவெக மாநாட்டிற்கு வந்த கட்சி தொண்டர்கள் சிலர், அங்குள்ள டாஸ்மாக் கடையில் மது பாட்டில்களை வாங்கிச் செல்லும் வீடியோ வெளியாகி அதிர்ச்சியை ஏற்படுத்தியுள்ளது.
விழுப்புரம் மாவட்டம் விக்கிரவாண்டியில் உள்ள வி.சாலையில் தவெக முதல் மாநில மாநாடு அக்கட்சியின் தலைவர் விஜய் தலைமையில் நடைபெற்றது. இந்த மாநாட்டில் பங்கேற்க மாநிலம் முழுவதும் இருந்து லட்சக்கணக்கான தொண்டர்கள் குவிந்தனர்.
இந்நிலையில், தவெக தொண்டர்கள் சிலர் கட்சியின் உறுப்பினர் அடையாள அட்டையை அணிந்தவாறே, அப்பகுதி டாஸ்மாக் கடை ஒன்றில் இருந்து மது பாட்டில்கள் வாங்கிச் சென்ற வீடியோ வெளியாகி அதிர்ச்சியை ஏற்படுத்தியுள்ளது.
மாநாட்டில் பங்கேற்கும் தொண்டர்கள் பொதுமக்களுக்கோ, போக்குவரத்துக்கோ இடையூறு ஏற்படுத்தக் கூடாது என ஏற்கெனவே விஜய் தனது தொண்டர்களுக்கு அறிவுறுத்தியிருந்த நிலையில், அவை இரண்டிற்கும் பாதிப்பை ஏற்படுத்தும் விதமாக மது பாட்டில்களை வாங்கிக்கொண்டு மாநாட்டிற்கு படையெடுத்த தொண்டர்களின் வீடியோ வெளியாகி இருப்பது பேசுபொருளாகியுள்ளது.
