நகர்ப்புற வளர்ச்சித்துறை மற்றும் உயர்க்கல்வித்துறை சார்பில் கட்டப்பட்ட புதிய கட்டடங்களை பயன்பாட்டிற்காக காணொலி வாயிலாக முதலமைச்சர் ஸ்டாலின் திறந்து வைத்தார்.
தமிழ்நாடு அரசின் நகர்ப்புற வாழ்விட மேம்பாட்டு வாரியம் சார்பில் சுமார் 426 கோடி ரூபாய் மதிப்பீட்டில் புதிய அடுக்குமாடி குடியிருப்புகள் கட்டப்பட்டன. அதேபோல், உயர்க்கல்வித்துறை சார்பில் அரசு கல்லூரிகளில் சுமார் 156 கோடி செலவில் புதிய வகுப்பறை கட்டடங்கள் மற்றும் ஆய்வகங்கள் கட்டப்பட்டன.
தொடர்ந்து கட்டட பணிகள் முடிவுபெற்ற நிலையில், அவற்றை காணொலி வாயிலாக முதலமைச்சர் ஸ்டாலின் திறந்து வைத்தார். மேலும், நகர்ப்புற வளர்ச்சித்துறை சார்பில் சென்னை வேளச்சேரி, பெரும்பாக்கம், முடிச்சூர் ஏரிக்கரைகளை மேம்படுத்தும் பணி, வேளச்சேரி மேம்பாலத்தின் கீழ் பகுதியை அழகுபடுத்தும் பணி உள்ளிட்ட 6 திட்டப் பணிகளையும் முதலமைச்சர் ஸ்டாலின் தொடங்கி வைத்தார்.
