கோவை மாவட்டம் பொள்ளாச்சி அருகே சாலை விபத்தில் சிக்கி உயிரிழந்த பெண் சிறப்பு காவல் உதவி ஆய்வாளர் குடும்பத்திற்கு முதலமைச்சர் ஸ்டாலின் நிவாரணம் அறிவித்துள்ளார்.
அங்கலக்குறிச்சி பகுதியை சேர்ந்த கிருஷ்ணவேணி, மகளிர் காவல் நிலையத்தில் சிறப்பு காவல் உதவி ஆய்வாளராக பணியாற்றி வந்தார். இவர் தனது இருசக்கர வாகனத்தில் காவல் நிலையம் நோக்கி சென்று கொண்டிருந்தார்.
அப்போது எதிரே வந்த சிவகுமார் என்பவரின் இருசக்கர வாகனம், கிருஷ்ணவேணியின் வாகனம் மீது மோதியது. இதில் இருவரும் பலத்த காயமடைந்த நிலையில், மருத்துவமனைக்கு செல்லும் வழியிலேயே சிறப்பு காவல் உதவி ஆய்வாளர் கிருஷ்ணவேணி பரிதாபமாக உயிரிழந்தார். இதுகுறித்து தகவலறிந்த போலீசார் விபத்து குறித்து விசாரணை மேற்கொண்டு வருகின்றனர்.
இதனிடையே, உயிரிழந்த பெண் சிறப்பு காவல் உதவி ஆய்வாளர் குடும்பத்தினருக்கு முதலமைச்சர் இரங்கல் தெரிவித்துள்ளார். மேலும், 25 லட்சம் ரூபாய் நிவாரணம் வழங்கிட உத்தரவிட்டுள்ளார்.
