சேலத்தில் புதிதாக கட்டப்பட்ட வீட்டிற்கு, வரி குறைவாக நிர்ணம் செய்ய 30 ஆயிரம் ரூபாய் லஞ்சம் பெற்ற மாநகராட்சி பில் கலெக்டர் பணியிடை நீக்கம் செய்யப்பட்டார்.
சேலம் மாநகராட்சியின் 5-வது வார்டு பில் கலெக்டர் ராஜா, அழகாபுரம் பகுதியை சேர்ந்த சாஜூ என்பவருக்கு சொந்தமான வீட்டிற்கு குறைவாக வரி நிர்ணயம் செய்ய லஞ்சம் கேட்டதாக கூறப்படுகிறது.
இது குறித்து சாஜூ லஞ்ச ஒழிப்புத்துறை போலீசாரிடம் புகாரளித்துள்ளார். புகாரைத் தொடர்ந்து பில் கலெக்டர் ராஜா கைது செய்யப்பட்ட நிலையில், அவரை பணியிடை நீக்கம் செய்து சேலம் மாநகராட்சி ஆணையாளர் ரஞ்ஜீத் சிங் உத்தரவிட்டார்.
