நிறைவேற்ற முடியாத வாக்குறுதிகளைக் கூறி பொதுமக்களை காங்கிரஸ் வஞ்சித்துவிட்டதாக பிரதமர் மோடி விமர்சித்துள்ளார்.
கர்நாடகத்தில் பெண்களுக்கு இலவச பேருந்து பயண திட்டம் நடைமுறைப்படுத்தப்படும் என்று கூறி ஆட்சிக்கு வந்த காங்கிரஸ், தற்போது அந்தத் திட்டத்தை மறுபரிசீலனை செய்ய போவதாக அறிவித்துள்ளது.
இதற்கு கண்டனம் தெரிவித்த பிரதமர் மோடி, போலியான வாக்குறுதிகளை அளிப்பது எளிது; அதை நடைமுறைப்படுத்தப்படுவது கடினம் என்பதை காங்கிரஸ் உணர்ந்துவிட்டதாக கூறியுள்ளார்.
நடைமுறைப்படுத்த இயலாத வாக்குறுதிகள் என்று தெரிந்தே மேடைக்கு மேடை காங்கிரஸ் வெற்று வாக்குறுதிகளை அளித்ததாகவும், தற்போது பொதுமக்கள் முன் அம்பலப்பட்டு நிற்பதாகவும் பிரதமர் மோடி விமர்சித்துள்ளார்.
காங்கிரஸ் ஆளும் ஹிமாசல பிரதேசம், கர்நாடகம் மற்றும் தெலங்கானா என அனைத்து மாநிலங்களிலும் நிதி நிலைமை மோசமடைந்துவிட்டதாக பிரதமர் மோடி அறிக்கையில் குற்றம்சாட்டினார்.
