நியூசிலாந்துக்கு எதிரான 3வது டெஸ்ட் போட்டியின் முதல் இன்னிங்சில் இந்திய அணி 263 ரன்கள் எடுத்துள்ளது.
3 டெஸ்ட் போட்டிகள் கொண்ட தொடரில் விளையாட இந்தியா வருகை தந்துள்ள நியூசிலாந்து அணி, 2க்கு பூஜ்ஜியம் என்ற கணக்கில் ஏற்கனவே தொடரை கைப்பற்றிவிட்டது. இந்நிலையில், இரு அணிகளுக்கும் இடையிலான 3வது டெஸ்ட் போட்டி மும்பையில் உள்ள வான்கடே மைதானத்தில் தொடங்கியது.
இதில் டாஸ் வென்று முதலில் பேட்டிங் செய்த நியூசிலாந்து அணி, முதல் இன்னிங்சில் 235 ரன்கள் எடுத்தது. இதையடுத்து பேட்டிங் செய்த இந்திய அணி, அடுத்தடுத்து விக்கெட்டுகளை இழந்து தடுமாறியது.
இதனிடையே சும்பன் கில் மற்றும் ரிஷப் பண்ட் ஆகியோர் வெளிப்படுத்திய நிதான ஆட்டத்தால் இந்திய அணி 263 ரன்கள் எடுத்தது. இதன்மூலம் இந்திய அணி 28 ரன்கள் முன்னிலை பெற்ற நிலையில், 2வது இன்னிங்சில் நியூசிலாந்து அணி பேட்டிங் செய்து வருகிறது.
