விவாகரத்து கோரிய வழக்கில், நடிகர் தனுஷ், ஐஸ்வர்ய ஆஜராகததால், வழக்கின் விசாரணை நவம்பர் 21ஆம் தேதிக்கு மீண்டும் தள்ளி வைத்து சென்னை குடும்ப நல நீதிமன்றம் உத்தரவிட்டுள்ளது.
நடிகர் ரஜினிகாந்தின் மூத்த மகள் ஐஸ்வர்யாவுக்கும், இயக்குநர் கஸ்தூரிராஜாவின் இளைய மகன் நடிகர் தனுஷுக்கும் இருவீட்டார் சம்மதத்துடன் கடந்த 2004-ம் ஆண்டு சென்னையில் திருமணம் நடைபெற்றது.
தனுஷ், ஐஸ்வர்ய தம்பதியருக்கு இரண்டு மகன்கள் உள்ள நிலையில், சுமார் 18 ஆண்டுகள் திருமண வாழ்வுக்குப் பின்னர், கருத்து வேறுபாடு காரணமாக, தற்போது இருவரும் தனித்தனியாக பிரிந்து வாழ்ந்து வருகின்றனர்.
இந்த நிலையில், 2004-ம் ஆண்டு நடைபெற்ற தங்களின் திருமணத்தை செல்லாது என அறிவிக்கக்கோரி, இருவரும் பரஸ்பரம் விவாகரத்து கோரி சென்னை குடும்ப நல நீதிமன்றத்தில் மனு தாக்கல் செய்தனர்.
இந்த மனு முதன்மை குடும்ப நல நீதிமன்ற நீதிபதி சுபாதேவி முன் மீண்டும் விசாரணைக்கு வந்தபோது நடிகர் தனுஷ், ஐஸ்வர்யா ஆகியோர் மீண்டும் ஆஜராகததால், வழக்கின் விசாரணை நவம்பர் 21ஆம் தேதிக்கு தள்ளிவைத்து உத்தரவிட்டார்.
விவகாரத்து கோரிய வழக்கில் நடிகர் தனுஷ், ஐஸ்வரியா ஆகியோர் தொடர்ந்து 3 வது முறையாக நீதிமன்றத்தில் ஆஜராகவில்லை என்பது குறிப்பிடத்தக்கது.
