நடிகர் சிவகார்த்திகேயன் நடித்து வெளியான அமரன் திரைப்படம், சிறந்த தேச பக்திப் படம் என பாஜக மாநில ஒருங்கிணைப்பு குழு அமைப்பாளர் ஹெச்.ராஜா தெரிவித்துள்ளார்.
சென்னை நுங்கம்பாக்கத்தில் சிறப்புக் காட்சியாக திரையிடப்பட்ட அமரன் படத்தை, பாஜக மூத்த தலைவர் ஹெச்.ராஜா, ஆர்.எஸ். எஸ் மாநில இணைச் செயலாளர் இராம. ராஜசேகர், ஆர்.எஸ்.எஸ் தென் தமிழக பொறுப்பாளர் சூரியா ராமதாஸ், தமிழ் ஜனம் தொலைக்காட்சியின் நிர்வாக இயக்குநர் கே.மது ஆகியோர் இணைந்து பார்த்தனர்.
பின்னர் செய்தியாளர்களிடம் பேசிய ஹெச்.ராஜா, அமரன் சிறந்த தேச பகதி படம் என்றும் தேச பக்தியை இளைஞர்களிடையே பரப்புவதாகவும் தெரிவித்தார். விமர்சனங்களுக்கு அப்பாற்பட்டது அமரன் திரைப்படம் எனறும் ஹெச்.ராஜா கூறினார்.
அமரன் படத்தில் நடித்த சிவகார்த்திகேயன், இயக்குநர் ராஜ்குமார் மற்றும் படக்குழுவினருக்கு தமிழ் ஜனம் தொலைக்காட்சி நிர்வாக இயக்குநர் கே.மது உள்ளிட்டோர் பாராட்டு தெரிவித்தனர்.
