சீமான் திடீரென அந்நியனாகவும் மாறுவார், அம்பியாகவும் மாறுவார் என தேமுதிக பொதுச் செயலாளர் பிரேமலதா விஜயகாந்த் தெரிவித்துள்ளார்.
மதுரையில் நடைபெற்ற திருமண விழாவில் தேமுதிக பொதுச் செயலாளர் பிரேமலதா விஜயகாந்த், முன்னாள் அமைச்சர் ஆர்.பி.உதயகுமார் உள்ளிட்டோர் கலந்து கொண்டனர்.
பின்னர் செய்தியாளர்களை சந்தித்த பிரமேலதா விஜயகாந்த, புதிதாக கட்சி ஆரம்பித்துள்ள விஜய் அரசியலில் கடந்து வர வேண்டிய பாதைகள் ஏராளமாக உள்ளதாக தெரிவித்தார்.
சீமான் எப்போதும் ஒரே நிலைப்பாட்டோடு இருக்க வேண்டும் என்ற தெரிவித்த அவர், வாய்க்கு வந்ததை எல்லாம் பேசக்கூடாது என்றும் கூறினார்.
எங்கள் கட்சியிலேயே தேசியமும், திராவிடமும் உள்ளது. கேப்டன் தமிழை நேசித்தவர். தமிழைத் தவிர வேறு எந்த மொழியிலும் நடிக்காமல் சரித்திரம் படைத்துள்ளார்.
தமிழ் மொழியை காப்போம் பிற மொழியை கற்போம் என்றுதான் கேப்டன் கூறியுள்ளார். தேசியத்தில் தான் திராவிடம் உள்ளது. திராவிடத்தில் தான் தமிழகம் உள்ளது என்றும் அவர் கூறினார்.
திமுக கொடுத்த வாக்குறுதிகளில் எதை நிறைவேற்றியுள்ளார்கள்? கொடுத்த வாக்குறுதிகளை நிறைவேற்றி நல்ல பெயர் வாங்கினால் தான் திமுக நிலைக்க முடியும் என்றும் பிரேமலதா தெரிவித்தார்.
