மன்னார்குடியில் அதிமுக நிர்வாகியை அரிவாளால் வெட்டிவிட்டு தப்பியோடிய திமுக கவுன்சிலரின் கணவர் உட்பட 3 பேரை போலீசார் கைது செய்தனர்.
மன்னார்குடி 7வது வார்டு அதிமுக செயலாளர் ரமேஷுக்கும், திமுக நகர்மன்ற உறுப்பினர் சித்ராவின் கணவர் கோவி.சக்திக்கும் இடையே மோதல் போக்கு நிலவியுள்ளது.
இந்நிலையில், இரவு இருசக்கர வாகனத்தில் தனியாக வந்த ரமேஷ் மீது கோவி சக்தி உட்பட 3 பேர் அரிவாளால் சரமாரியாக தாக்கியுள்ளனர்.
தொடர்ந்து தலையில் பலத்த வெட்டு காயங்களுடன் தப்பிய ரமேஷை அக்கம்பக்கத்தினர் மீட்டு அரசு மருத்துவமனையில் அனுமதித்தனர். தொடர்ந்து திமுக நிர்வாகி உட்பட 3 பேரையும் போலீசார் கைது செய்தனர்.
இதனிடையே தன்னை கைது செய்ய வந்த போலீசாரிடம் திமுக கவுன்சிலரின் கணவர் வாக்குவாதத்தில் ஈடுபட்டு தள்ளிவிடும் காட்சி வெளியாகி அதிர்ச்சியை ஏற்படுத்தியுள்ளது.
