மயிலாடுதுறை மாவட்டம் சீர்காழி அருகே சுனாமி பேரிடர் மீட்பு ஒத்திகை நிகழ்ச்சி நடைபெற்றது.
உலக சுனாமி விழிப்புணர்வு தினத்தை முன்னிட்டு, வாணகிரி மீனவர் கிராமத்தில், சுனாமி பேரிடர் மீட்பு ஒத்திகை நிகழ்வு நடைபெற்றது.
இதில், பொது மக்கள் மற்றும் மீனவர்களை காப்பாற்றுவது குறித்த காட்சிகள் ஒவ்வொன்றும் தத்ரூபமாக நடைபெற்றது. இதேபோல, சுனாமி அலையில் சிக்கி பாதிக்கப்பட்ட கால்நடைகளும் மீட்கப்பட்டு தேவையான மருத்துவ உதவிகள் அளிக்கப்பட்டது.
இந்நிகழ்வில் வருவாய்த் துறையினர், தீயணைப்பு மீட்பு துறையினர் மற்றும் மருத்துவக் குழுவினர் உள்ளிட்ட பல்வேறு அரசு துறை அதிகாரிகள் மற்றும் ஊழியர்கள் பங்கேற்றனர்.
