மதுரை சோழவந்தானில் முன் விரோதம் காரணமாக வீட்டின் மீது பெட்ரோல் குண்டு வீசிய கல்லூரி மாணவர் கைது செய்யப்பட்டார்.
சங்ககோட்டை பகுதியை சேர்ந்த முத்தையா என்பவருக்கும், அதே பகுதியில் வசிக்கும் மதன்குமார் என்பவருக்கும் 2 ஆண்டுகளுக்கு முன் பொங்கல் பண்டிகையின்போது தகராறு ஏற்பட்டுள்ளது.
இதற்கு பழிவாங்கும் நோக்கில் கல்லூரி மாணவனான முத்தையாவின் மகன் விக்னேஸ்வரன் தீபாவளி பண்டிகைக்கு முதல் நாள் மதன்குமார் வீட்டின் மீது பெட்ரோல் குண்டை வீசியுள்ளார். இதுகுறித்து வழக்கு பதிவு செய்த போலீசார் தலைமறைவாக இருந்த விக்னேஸ்வரனை கைது செய்தனர்.
