அமெரிக்காவின் 2-வது பெண்மணியான இந்திய வம்சாவளியைச் சேர்ந்த உஷா வான்ஸ்க்கு ஆந்திர முதலமைச்சர் சந்திரபாபு நாயுடு வாழ்த்து தெரிவித்துள்ளார்.
அமெரிக்காவின் 47-வது அதிபர் தேர்தலில் டொனால்டு டிரம்ப் அபார வெற்றி பெற்றுள்ளார். துணை அதிபராக ஜே.டி.வான்ஸ் தேர்ந்தெடுக்கப்பட்ட நிலையில், அவரது மனைவி உஷா அமெரிக்காவின் 2-வது பெண்மணியாகியுள்ளார்.
உஷாவின் பெற்றோர் இந்தியாவின் ஆந்திராவை பூர்வீகமாக கொண்டவர்கள். இதனையடுத்து தனது எக்ஸ் தள பக்கத்தில் ஆந்திர முதலமைச்சர் சந்திரபாபு நாயுடு பதிவொன்றை வெளியிட்டுள்ளார்.அதில்,உஷா இரண்டாவது பெண்மணியாக பணியாற்றுவது உலகெங்கிலும் உள்ள தெலுங்கு சமூகத்தினருக்கு பெருமை சேர்க்கும் என தெரிவித்துள்ளார்.
